(قصيدة/الكدب وقته انتها)
*
بالورقة والقلم
هبدء حسابي معاك
ياريت تفوق من وهمك
أنا مش هضيع وياك
ولا عمري هبقي ضحية
ولا حتي هستناك
*
*
*
كداب كدبت عليه
بسنين غرام واهميه
وجراحي صرخت بيه
والامي متخبيه
أخرتها تشمت فيه
فاكرني هبقي ضحيه
عمري ماهجري وراك
*
*
*
فاكرني هغفر وأنسي
كان في غرامك لسه
بكفايه كدب وقسوة
أحلام كانت فنتازيا
علي كل لون وياك
*
*
*
هبعد وهبدء تاني
مع حد يتمناني
يخلصلي مش ينساني
الهجر مش عنواني
ولا عمري كنت أناني
وهو قلبك اتحداني
دمرت كل كياني
خلاص قدرت أنساك
*
*
*
بحلم بقلب يصوني
وبكل شوق يغمُرني
احلامه هتكملني
بالصبر يتحملني
عمره ما يزعل مني
لو يوم قسيت يحضُني
وأنا هبقي طفله معاه
بقلم عبير الجندي
ليست هناك تعليقات:
إرسال تعليق