********************** انا زي اي فتاة كان لي حلم بسيط عايشة الحياة تنطيط بالحب وحده رضيت وبقلبه استكفيت وبحبه استغنيت اتريني كنت عبيطه ـــــــــــــــــــــــــــــــــ وحلمت جنبه ببيت وبحلمه اتغطيت الشوق غلبني وجيت لكن ياريت ما صحيت يخدعني وانا حنيت مهو اصلي استغبيت علي قلبي وحده جنيت ــــــــــــــــــــــــــــــــــــ بنالي قصر كبير الكدب اصله خطير ووعدني بالتغير قالي خلاص ياعبير هاخدك في قلبي واطير ونعيش بقا في الخير قلت الغرام دا كتير ـــــــــــــــــــــــــــــــــــــ لكن صحيت علي وهم وفات في قلبي السهم اتريني عشت الوهم وانا كنت فكره شهم طعن في قلبي السهم كان حب اصله وهم بعني بكام الشهم ـــــــــــــــــــــــــــــــــــ من يومها وانا مدبوحه عايشه في حياة مفتوحه م الحب انا مجروحه وف سوقه انا مطروحه ومشاعري كتبت لوحه مش عايزه اعيش مجروحه من الحب انا مدبوحة ـــــــــــــــــــــــــــــــــــــــــ سابني وعاش لحياته الحب اصلاً فاته وخد معا اوقاته الكدب هو ميلاده والصدق يبقا وفاته ملعون ابو لحظاته والجرح اللي فاته وفاكرني هبقا مراته كداب وكدبه نجاته
*********************** نفسي احس معاك بكلمه أو بهمسة .. أو بلمسة .قلبي كان بيحبها نفسي اقولك مليون بحبك وتلاقيك بتحسها نفسى اعيش جوة منك زى نجمة ف السما من دون بعاد أنسى فيك كل ذكرى وشوق كأنه جمر فيه يزيد سهاد نفسى اموت كل آهة تزيد ف حزنى وانت بتبيع المحبة ف المزاد نفسى أحلم زى بنت بالفيونكة والبراءة والضفاير نفسى احس إن خراط الصبايا فيا فاير نفسى اشوف البدر طالع منى فيك وانى راضية بابتسامتك بتنادينى وتناديك نفسى ان الصبح يحضن حبنا شمس وبشاير لما ديك الحب أدن فوق ضلوعك أو ضلوعى والبصاير شايفة بكرة جميل وعامر نفسى احس بين قصورك انى ملكة ف عرش آمر كل نبضة فيها حرقة زى عود بيقول حروف من غير كلام نفسى احطم الازدحام جوا منك كنت عندك متلقتش العند عندك ساحة مليانة بضحايا وابتزاز والعزاز ملهمشى صفحة ما انت لمحة والعيون سارقة العيون والجفون ملهاش رهون نفسى فرحة تبص فيه من عيونك وانسى انى ف يوم خدعنى ليل حنينك نفسى الاقى الدنيا باقية بين ملامحك وان قمحك حب صافى نفسى نفسى ومش بيحصل الدعاية بين سطورك مش بتفضل انت كسرت اللى كان انت حطمت الأمان انت حلم وراح ضحية بين دفاترك والطوفان
