؛؛؛؛ مـــش هــرجعــــلك ؛؛؛؛
==================
مش هرجعلك ..
لو آخر واحد ف الكون ..
مش هرجعلك ،
لو حتى ملكت حياة
الكون ..
لو حتى تجينى وتترجانى ..
أيوة محال ،
أرجعلك تانى ...
ياما كسرت قلوب بتدوب ،
يا ما هدمت قصور ..
عمرى ماهقبل انى ف هجرك ،أبقى مجرد دور ..
ولا هخضعلك ...
متهيألك ...
مش هرجعلك ...
قلبى اتعلم انه يفارقك ...
فاوعى تصدق نفسك ...
انه ف قلب عواصف
غدرك يوم هيخاف ...
ولا ف ليل البرد بتوهم عمرك ..
انه بدونك ..
عمره ماشاف ..
الحلم ف بعدك ..
وان مصيرى ربطته خلاص بمصيرك ..
فوق من وهمك ..
عمرى ماهخضع يوم واركعلك ..
مش هرجعلك ..
وان جت لحظة دمعة ف عينى ..
هبكى عليا ...
انى ف يوم حسيت بأمانى
اترسمت ليا ..
كانت كل املها حنانك ..
بس خيانتك ،
طعنت قلبى بسهم جسور ..
فقت بجرحك ،
بيعلمنى ..
عمر القبح مايطرح جوا الحلم
زهور ..
وانت اساس الغدر
طريقك ..
شيء متمكن جوا مصيرك ..
عمرك يوم ما عشقت النور ..
وان مشاعر قلبى
الطاهرة ..
عمر ماكانت تشغل بالك ..
وما قدرتش
معنى الشوق ولهيبه ..
معنى العشق ،ف قلب
بينبض ،
بسم حبيبه ..
سيبك منى ..
ودور تانى ف وسط دفاتر
غدرك ...
عن اخلاص ضيعته كتير ..
توه مشاوير ..
جايز يوم هيقابلك ..
شيء بخيانتك ..
حتما عايش يتشبهلك ..
قلبى خلاص
مبقاش مشتقالك ..
فلا هركعلك ،
ولا هخضعلك ،
ولا هرجعلك ..
============
عبيـــــر الجنــــــدي
ღ•::•ღ همسـღـات اســــتثنائــღــة ღ•::•ღ
