هنا
هنا ياقلبي قدرت تضحك
وقدرت تلعب
نسيت هموم الدنيا هنا
هنا
هنا ياقلبي قدرت أفرح
وقدرت أحلم
بأماني شوق كانت هنا
قدرت اعيش
قصة خيال كانت ببالي
بين حضن وافي
بين نبــض دافي
مـن نبــع صافي
احلامي كانت ممكنا
قدرت اعيش مطمنه
ليه بعــدت
ليه هجرت
ازي قدرت
تمشي الطريق بين الجراح
ازي بتـندم علي اللي راح
مابقتش شايف غير جراح
ليه تكسرك
انياب نباح
مبقتش شايف
غير ليل طويل
اوهام وعايزه
مليون دليل
اما السعاده
فمستحيل
اقدر لبحر الهوا اميل
مشوار حياة كان كله ويل
لسه اللي باقي فيه طويل
ما بين آهات جسمي العليل
والدمع كافي يوفي نيل
وكأن مكتوبلي أميل
لدموع مصاحبة عذاب وويل
في زمان مايرحمش أصيل
والجرح متردد يسيل
بين قلب موجوع جوه ليل
وآه ياقلبي
علي انكسر
من بين أمال
والصبر راحل
من فوق كتافي
والعزم خاني
والحمل مال
ان شلت شيالة
مكنتش ليه
وفضلت اعافر
بين الرمال
عشت الحياة
والنية صافية
وصلبت طولي
زي الجبال
اوصيك ياقلبي
عيش بالتحدي
للماضي وانسي
كل الخيال
مبقاش فاضلك
غير دمع وافي
وجراح مسافره
بين الضلوع
تقتل أمال
انسي اللي فات
وابداء حياتك
بيع ذكرياتك
وبلاش آهات
ده الحلم
في زمنا
محال
بين قصتي
افراح وذكري
اشجان مهاجرة
وجراح مذاكرة
في تاريخ حياتي
والقلب عايش
علي الإحتمال
ما خلاص ياقلبي
مال اللي مال
بقلم عبير الجندي
ليست هناك تعليقات:
إرسال تعليق